Como ven sendo habitual todos os 15 de xullo desde que o Carmen é Carmen, en Camariñas os barcos engalánanse para estar relucintes o día 16 que é cando se fai unha peculiar forma de rezar paseando e acompañando á Virxe do Carmen nunha travesía por unha das rías máis fermosas do noso país, a Ría de Camariñas. No medio da limpeza total das cubertas; loureiros, bandeiras, e algunha que outra inxeniosa artimaña particular forman parte da preciosa estampa mariñeira que lucirá a nosa flota o vindeiro luns 16. Afortunadamente e libre contratempos, "Currodetrás" que xa confirmou a súa presencia, co apoio dos seus, elaborará un novo video da procesión marítima que seguro vai dar que falar como o fixo este mesmo publicado aquí no seu día. Foron moitos os mariñeiros que preguntaron quen era Currodetrás cando o viron por primeira vez e a música de fondo lles puxo a pel de galiña...as maís de 1600 veces que foi pinchado confírmano, é un dos nosos romeiros que máis sinte e vive as festas. Este ano, marcado polos recentes acontecementos familiares e ante a ausencia dun seguro colectivo (si pasa algo abordo dalgún barco, a responsabilidade corre a cargo do patrón) van faltar barcos míticos. Si as prediccións meteorolóxicas non cambian, espéranse ventos moderados de nordés durante a procesión. O Playa de Traba será o encargado de pasear á Reina dos Mares. Precaución, paz e boas festas a tod@s.
Fonte: Confraría de Pescadores de Camariñas
Fonte: Confraría de Pescadores de Camariñas
Certamente, un reportaxe impresionante este do 2011, incluída a súa música.
ResponderEliminarComo, xa non vou a poñer mais poemas, seguramente ata o verán, o que hoxe vos deixo sería en lembranza dunha das festas vividas por min en tempos de rapaz:
16 DE XULLO
Hoxe é un gran dia de festa,
cos Cazolos e o seu tambor
e tres bombas de palenque,
comeza nosa festa maior…
¡ Tiriri…tirirí…!
Os mozos tecen os arcos
con filigrana arredor,
como trenzando bolillos
mesturados con moito amor.
¡ Tiriri…tirirí…!
Os foguetes, cal asubíos,
ó ceo erguen noso fervor,
ó ver a banda pasando
con redobres de tambor.
As campás voan bourando
polos aires ca súa canción…
É o día grande da festa,
festa de nosa tradición.
¡ Tiriri… tirirí …!
O pobo viste de gala;
os balcóns seu mellor brasón,
rebumbio de mozos na Praia,
e o Carmelo sorrí co son.
¡ Tiriri…tirirí…!
Xiran e xiran na ría
nosos barcos con obsesión,
e agardan a súa Patrona
que dispoña na procesión.
¡ Tiriri…tirirí …!
O Carme bendí os mares
peneleiros porque chegou;
ventos mareiros ca Salve
…lembranzas de quen afogou.
Estala o ceo ¡ pin, pan, pon !
…a escape: un pasodobre español;
agarda o xantar na mesa…
e, con presa ¡ talán, tolón… !
Verbena de Trovadores,
Pucho Boedo o seu cantor,
¡ Non hai festa coma a nosa !
¡ a nosa festa é a mellor !
Antonio Puertas