Qué foi do matrimonio alemán formado por Anna Maria e Jurgen?

 

Lugar por onde tiraron o coche

Nos acantilados que lindan co monte da Pedrosa, preto de Reira, un matrimonio alemán que supostamente viña de vacacións a Camariñas, no vran do ano 1987, provocaba unha historia rocambolesca sen precedentes na Costa da Morte que no día de hoxe daría a volta ao mundo. A doctora Anna María desaparecía nun suposto accidente de tráfico na nosa vila e un ano máis tarde, aparecía viva xunto á súa tumba, na pequena cidade de Vilseck. Foron detidos ela e o seu marido  por intento de estafa ás catro aseguradoras das que dispoñían. Un auténtico guión de película... 

Todo comezaba no mes de Agosto de 1987. Anna María era médica e o seu marido enxeñeiro. Quizás fose o nome da Costa da Morte o que os motivou a vir por Camariñas nun citroën BX alquilado e intentar enganar ás diferentes pólizas de seguro de vida que tiñan contratadas por valor de máis de 300 millóns das antigas pesetas, naquela época e hoxe igual, é  moito diñeiro. Este que redacta, non dispón de fotos pero sí de datos de primeira man, aparte do trato que dispensou con ditas persoas en compaña do señor Reinaldo (pai) cando rexentaba en plena movida dos 80-90 (vendo películas con Jose de Marta, Javi do Catalán, Marcos O ajudo,etc) o  mítico Bar Pinar. Por aquel entón, os medios informáticos dixitais non estaban instalados por esta zona e tan só sei que fora publicada unha edición da Voz de Galicia a mediados do 1988 cando atoparon a suposta falecida ao carón da súa lápida. Membros do periódico semanal "El Caso", viñan unha semana despois do accidente a entrevistarnos ao señor Reinaldo e a min, por ser (polo visto) as últimas persoas que viran con vida  á doutora  e publicaban en portada dito acontecemento con un de nós sinalando o lugar (apróximadamente en Setembro do 1987) un mes despois do accidente, lástima non poder dispor deses artigos (agradecería de antemán si alguén dispón de algo)...dito periódico desapareu nos anos 90 despois de resistir a censura da época franquista e a competencia. Era tal a rapidez destes periodistas que incluso chegaban ao lugar do suceso antes que a mesma Policía e tiñan un arquivo de datos criminais que eran consultados polas mesmas forzas de seguridade en varias ocasións. Todos estes datos que von incluir, facilitoumos un xornalista de dito periódico despois de percorrer máis de 300 kilómetros, en pleno lugar do suceso, e dende o principio, todo cheiraba a chamusco, non nos cadraban varios detalles desta historia rocambolesca:

Estábamos un grupo de camariñáns en compaña do matrimonio alemán tomando unhas cervezas, eran sobre as 11 da noite, Anna Maria díxolle ao seu marido que olvidara unha cámara fotográfica nas inmediacións de Reira. Jurgen (creo recordar que se chamaba así) díxolle que a acompañaba pero ela non quixo (hai que ser valente ir soa a Reira de noite). Unha hora máis no bar, cada cúal foi para súa casa. A sorpresa viña ao día seguinte cando nos dixeron que Anna Maria caera co seu coche polos acantilados preto de Reira. O coche feito unha lata e nas inmediacións un zapato e o bolso con algo de diñeiro...Todo parecía presaxiar unha mala xogada do destino pero o corpo non estaba, tampouco había rastro de sangue. Comezouse a especular que poidera caer ao mar e ser arrastrada polas correntes mariñas mar adentro. Desparecida e morta por accidente pero...¿por qué non quixo que a acompañara Jurgen?. Os investigadores privados das aseguradoras botáronse mans á obra e indiscretamente (non se cortaban un pelo) prantáronse en Camariñas.

Había opinións para todos os gustos, uns que o mar a arrastrou morta, outros que fuxira en barco, e outros que viran un coche grande, alemán polas inmediacións sobre as 12 da noite con unha parella diante. Ao parecer identificaron só a Anna que ía de copiloto.

Un ano despois, eran detidos o seu esposo máis ela por intento de estafa. Ela apareceu poñéndolle flores á súa propia tumba no cementerio da pequena cidade de Vilseck. Anna María e despois Cecilia María (no pasaporte falso) naceu no ano 1948 e cando simularon o accidente tiña 39 anos.