O Tacatá é o marisco preferido dos lectores de Camariñas Directo

O Tacatá

Como quedou reflexado aquí dende o primeiro día, sempre que se poñe  unha enquisa, despois trátase o tema en cuestión máis detalladamente. Neste caso, falar de marisco son palabras maiores, sobre todo en Galicia. O Santiaguiño leva miles de anos adaptándose a todos os cambios que leva sufrido o noso planeta pero hoxe en día, os de cor vermella (os de mellor calidade) escasean ata puntos cifrados por biólogos mariños como o de "perigo de extinción". Só se poden pescar un ou dous meses durante todo o o ano. Ao non haber abundancia, o mercado dispárase e evidentemente non todo mundo ten a oportunidade de saborealos. Gañou cos vosos votos na nosa enquisa particular por diante do Percebe, Camarón, Nécora e Centola... Pero, ¿Por qué lle chaman Santiaguiño? e ¿Tacatá en Camariñas?                                                                                      

Nasa de polbo

O Tacatá vive entre 3 e 50 metros de profundidade no medio das grietas que hai no fondo rochoso do Mar Cantábrico e Océano Atlántico. Ás veces refúxianse en fondos areosos pero normalmente son os tacatás de cor grisáceo (de menor calidade). Teñen hábitos nocturnos e durante o día agóchanse, as dúas antenas rematadas en forma de paleta, son cas que excavan e removen no fondo do mar en busca de pequenos moluscos e organismos dos que se alimentan. O tacatá vermello está considerado como un dos mellores manjares que nos brinda o noso sistema; potasio, magnesio, fósforo, zinc, proteínas e vitaminas B1 e C  son algunhas das sustancias que teñen dentro da súa exquisita carne. Son decápodos (10 patas) e a talla mínima é de 9 cm. A súa coción con auga do mar anivela a cantidade exacta de sal que necesita (como os demáis mariscos). Tan só se poden pescar un ou dous meses no ano e o seu prezo non sole baixar de 50 euros kilo na lonxa. En Camariñas chámanse Tacatás porque unha vez capturados coas nasas, non paran quietos, están dándolle á cola e facendo tacatá, tacatá como ruído de fondo. O seu nome comercial a nivel nacional é Santiaguiño porque unha vez cocidos, á altura da súa cabeza queda marcada en debuxo e perfectamente identificada, a Cruz de Santiago.  Ata aquí o que dou de sí esta encuesta resaltando que tan só en Camariñas se lles chama tacatás e ás nécoras, lavañeiras.