Un Camariñas Conservas Boya de Primeira División aplasta ao Ciudad de Salamanca e proclámanse Campións




Fotos: Camariñas Directo

Tres días de infarto os vividos esta fin de semana en Camariñas, un deporte chamado Balonmán absorvía á mesmísima liga de Fútbol Nacional cun enorme Club Balonmán Camariñas Conservas Boya que non deixaba conquistar á Costa da Morte nin sequera aos favoritos Panelais Ciudad de Salamanca nunha final de fase de ascenso apoteótica. Rendidos e aplastados deportivamente foron os salmantinos ante un equipo e unha aficción de Primeira División. Todo un soño, HISTORIA en maiúsculas a que bordaron hoxe os camariñáns nun Areal totalmente abarrotado que dende o primeiro segundo do encontro sairon moi motivados e un Felipazo por toda a escadra avisaba do vendabal de forza, coraxe, calidade e goles que se lle viña enriba  ao rival. De 4 tantos de diferencia en 7 minutos e chegando por momentos a doblegar o marcador, o imparable Camariñas Conservas Boya proclamábase xusto CAMPIÓN despois de vencer por 32-27 e ascendía directamente á 1ª División Nacional Masculina por primeira vez en Camariñas e na Historia da Costa da Morte  facendo vibrar  a toda unha vila pesqueira. !! Noraboa e Felicidades  Fenómenos !!

Os rapaces camariñáns proclámanse campións de fútbol sala 2010-2011




Xogadores do equipo Infantil As Baleas

Importantísimo traballo o que están a facer os organizadores do Clube Deportivo Costa da Morte reunindo ós equipos da Costa da Morte e colaborando coa práctica de Fútbol cos máis pequenos da nosa Bisbarra. O primordial sempre é aprender éticas de bo comportamento e saber facer equipo con compañerismo, solidariedade, esforzo e respeto aos compañeiros pero hai que recoñecer que gañar (si se pode) tamén é importante para ver recompensado o labor dos adestramentos. Podemos dicir que esta tempada 2010-2011, o clube  As Baleas (Camariñas) coronouse  Rei do fútbol sala base. Os equipos camariñáns venceron nas ligas Infantil e Alevín. Todos os equipos campións de liga clasifícanse para xogar a fase intercomarcal (datas aínda sen determinar) organizada por Deporte en Idade Escolar dentro do programa Xoga e fai Deporte. Salientar que o pichichi da liga en categoría Infantil foi tamén un xogador camariñán, o dianteiro  Maikel Carril Toba. Dende Camariñas Directo, felicitar aos rapaces,  á Asociación As Baleas e ao Clube Deportivo Costa da Morte por tan laborioso traballo.!! Noraboa campións !!